De Ausscheller määnt

Das war’s gewese

Am Aschermittwoch ist alles vorbei… 2021 aber nit, weil so gut wie nix war. Kää
Ordensfeste, kää Sitzunge geschweige denn Umzüge und Fassenacht feiern nur
dehäm im kleine Kämmerlein.

Viele Vereine, aach die ULKer, hawwe ein „Streaming“ fabriziert unn in’s
Internet als „Streamung“ gesetzt. Sitzungsauschnitte aus früheren Tagen warn
genauso zu sehe wie Sitzunge die extra uff gezeichnet worn sinn. Alles schee
unn gut, doch e Sitzung muss mer, so wie ich finn, live erlewwe doo konn äner
sache was er will. Mer muss die Atmosphär unn die Stimmung ,die in de Luft
liegt, förmlich uffsauge! Wie lautete doch emool en Hit in de Hitparade: „Live
is Live“.

Besonders traurisch warn sicher aach die alljährlich wiederkehrende
Sitzungsbesucher der Fernsehsitzung am Fastnacht-Freitag gestimmt. Seit 3 x
11 Jahr sitze die uff dem gleiche Platz wo se immer bei „Mainz bleibt Mainz-wie
es singt und lacht“ sitze, aach wenn die Meiste der Edel Fassenachter mit
unserer heilisch Fassenacht nix oder nit viel am Hut hawwe. Dess geht doch nit!
Corona soll de Butz hole!

Egal! Am Ascher-Mittwoch is alles vorbei, wie en alde Fassenachtsschlager
sacht. En annere alde Fassenachtsschlager sacht awwer aach „Sie kriehn uns
nit, Sie kriehn uns nit, Sie kriehn uns nit kaputt- mir feiern unser Fassenacht
unn rolle unser Dutt“. Und dess, ihr liebe Fassenachter, nehmt eisch zu Herze.
Im kommende Jahr iss widder unser schee heimatliches Volksfest und doo
keennt ihr hoffentlich alles nochhole was dess Jahr nit möglich war. Der
Bundesgesundheitsminister, de Herr Spahn, er war joo emool zu seiner
Jugendzeit selbst Kinnerprinz, hodd de Karnevaliste versproche, dass die all 11
x geimpft wern solle. Nur wann, dess konn er jetzt noch nit sache – es konn sich
nur um Jahre drehe bis es dann so weit iss.

Ja, unn aach dess war emol en Karnevalshit „Wir sind alle kleine Sünderlein“,
gesunge vum unvergessene Kölner Urgestein Willi Millowitsch und dess gilt
nadürlich aach fer unser Volksvertreter.

Wenn ihr mool nit wisst was ihr mache sollt besucht mich doch äfach emool am
Marktplatz. Ich dät mich freue.

Bis dohin grüßt euch Eiern Ausscheller